Antxoko Ibaiondok hartuko ditu Emakume Master Cup-eko final laurdenak
Zortzi bikote arituko dira nor baino nor Antxoko pilotalekuan martxoaren 1ean (igandea) 11:00etatik aurrera. Sartzeko txartelak doan banatuko dituzte plaza guztiak bete arte.
Guztira, lau partida jokatuko dira Antxoko Ibaiondon. Goi mailako esku pilota asteburu honetan Antxoko Ibaiondo pilotalekuan. Laboral Kutxa Emakume Master Cup binakako txapelketaren pilota goxoko final laurdenak jokatuko dira Antxon, martxoaren 1ean (igandea) 11:00etatik aurrera. Hitzorduak merezi du, jardungo pilotaririk onenek bat egingo dutelako Ibaiondon, tartean, iazko irabazle Leire Etxanizek. Ainhoa Etxebeste izango bikotekide oraingoan Etxanizek.
Gora egiten ari da etengabe emakumeen pilota partidetara joaten den jende kopurua. Antxon bide beretik jarraitzea nahi dute, antolatzaileek eta laguntzaile izan dituzten Pasaiako Udalaren Jarduera Fisiko eta Kirol Saila eta Berdintasun Arloak. Gainera, ez da etxean gelditzeko aitzakiarik izango, doako ekintza izango baita. 10:30ean pilotalekuan sartzeko txartelak doan banatuko dira plaza guztiak bete arte.
Guztira, zortzi bikote arituko dira nor baino nor, lau partidetan. Jarraian, igandeko partiden zerrenda.
1- Iera Agirre eta Maite Ruiz de Larramendi-Ane Arteaga eta Maider Mendizabal.
2- Ainhoa Etxebeste eta Leire Etxaniz-Andrea Aldaregia eta Ane Urkizu.
3- Eneritz Arrieta eta Amaia Kaja-Uxue Larrea eta Lierni Gartziarena.
4- Ainhoa Ruiz de Infante eta Oihana Orbegozo-Nagore eta Leire Galeano.
