Bitxigintzari lotutako sormen gosariak egingo dira Torrekuan larunbatero
'Bitxikeriak' lelopean, Agara Agirre eta Laura Aguilar bitxigileek ikastaroak emango dituzte Torrekua eraikinean 10:00etatik 12:00etara.
Agara Agirrek eskainiko ditu ikastaroak, Laura Aguilarrekin batera. Martxoaren hasierarekin batera eskaintza berriak izango dira Errenteria-Oreretako Torrekua eraikinean. Bitxikeriak izenburupean, sormen gosariak antolatuko dituzte Agara Agirre eta Laura Aguilar Bitxigileek. Helburu nagusiak, norberaren alde sortzailea ezagutzea da, bitxigintzaren bitartez. Ikastaroak larunbatero eskaini dituzte, Torrekuan bertan, 10:00etatik 12:00etara.
Haien lantokiaren ateak irekiz, ofizioaren atzeko errealitatea ezagutzera eman nahi dute Agirrek eta Aguilarrek. Martxoa, apirila eta maiatzean egingo dira bi sortzaileek gidatutako zazpi ikastaroak. Dena dela, giro arin eta goxoan garatuko dira klaseak, bertaratzen direnak gosari on baten inguruan ikasiko baitituzte bitxiak lantzeko teknika ezberdinak.
Ikastaro gehienek 30 euroko kostua izango dute; beste bik ordea 15 euroko kostua. Eskaintza interesgarriak ere prestatu dituzte bi sortzaileek. Bi ikastarotan izena ematekotan, prezioa 50 eurokoa izango da eta lau ikastarorena 80 eurokoa. 12 urtetik gorako edonork parte hartu ahalko du tailerretan. Informazio gehiagorako jarri harremanetan Agara Agirrerrekin, 636182466 zenbakira deituz, ala Laura Aguillarrekin, 653710073.
Martxoko eta apirileko ikastaroak (maiatzekoak zehazteke).
Martxoa
- Martxoak 7; bitxiak korapiloekin: belarritakoak eskumuturrekoa.
- Martxoak 14; bitxiak korapiloekin: lepokoa eta eskumuturrekoa.
- Martxoak 21; hariekin egindako bitxiak: belarritakoak.
- Martxoak 28; paperezko bitxiak: lepokoa.
Apirila
- Apirilak 18; paperezko bitxiak: belarritakoa eta eraztuna.
- Apirilak 25; bitxiak bolatxoekin: lepokoa.
