[Galeria] Karmengo Amako ikasleek hasiera eman diete inauteriei
Urtero legez Karmengo Ama ikastetxeko ikasleen inauterietako desfileak Trintxerpeko kale nagusiak zeharkatu ditu gaur jaiei hasiera emateko.
Tomatina irudikatu dute Lehen Hezkuntzako 3. mailako ikasleek. Ohi bezala, Karmengo Amako ikasleen desfileak kolorez bete ditu Trintxerpeko kale nagusiak. Hauxe izan da barrutiko inauterien lehen ekintza. 11:00etarako maila guztietako ikasleak patioan bilduta zeuden. Zazpi jauziak dantzatuta eta aurkezpena egin ondoren, kalera atera dira ikasle guraso eta senide ugariz inguratuta.
Aurtengo gai nagusia, munduko jaiak izan dira eta sailkapen ederra eskaini dute Karmengo Amakoek. Kaldereroak, Sanferminak, Buñoleko Tomatina, Txinako urteberria ala Mexikoko Hildakoen Eguna kalera atera dituzte besteak beste. Inauterien hasiera baino ez da; 21:00etan konpartsen aurkezpena egingo dute frontoian eta biharko egun osorako egitaraua antolatu da.
HITZA Karmengo Amako desfilea izan da. Hauek dira goizak utzitako irudia:
