Oinarrizkoak diren lau izan ezik, ekipamendu guztiak itxi ditu udalak
Egoeraren jarraipena egiten ari dela gogorarazi du udalak, eta beraz, osasun agintaritzaren gomendioen arabera hainbat neurri berri har ditzakeela zehaztu du, egunez egun, egoeraren bilakaerara egokituta.
Jaurlaritzak deklaratu berri duen osasun larrialdiaren egoerarekin bat eginez, errenteriako Udalak atzo hartu zituen neurriak areagotu eta zehaztu ditu. Helburuak, herritarren osasuna zaintzea eta, ahal den neurrian, koronabirusaren zabaltzea prebenitzea dela gogoratu du. Horrenbestez, ekipamendu guztiak ixtea erabaki du udalak, eta programazio guztia etetea. Dagoeneko martxan da neurri hori, 15:00etan hasi delako. Itxierak lau salbuespen izango dituela zehaztu, bestalde, Udaleko Zu! arreta zerbitzua, Errenteriako Emakumeen Etxea, Gizarte Zerbitzuetako arreta eta Gaztelutxo. Izan ere, lau ekipamendu horietan ematen den zerbitzua oinarrizkoa dela esan du udalak.
Egoeraren jarraipena egiten ari dela gogorarazi du udalak, eta beraz, osasun agintaritzaren gomendioen arabera hainbat neurri berri har ditzakeela zehaztu du, egunez egun, egoeraren bilakaerara egokituta.
Osakidetzak prebentziorako eman dituen neurriak jarraitzeko gomendioa eman die berriro errenteriarrei.
