Koronabirusaren zabalkundeari aurre egiteko neurri sorta zabala hitzartu eta abian jarri du Pasaiako Udalak. Eremu askotan dute eragina neurriek.
Pasaiako Udalak koronabirusari aurre egiteko neurri sortaren berri eman du. Modu koordinatuan hartu ditu udal eragileak erabakiak, Osasun Sailak eta Osakidetzak ezarritako aholkuak jarraituz. Udal jardueraren eremu guztietara zabaldu dute neurrien ezarpena, herriaren bizitza sozial eta kulturalean eragina nabarmena izango delarik. “Neurriak kutsatze arriskua minimizatzera bideratuak daude”, esan dute udaletik.
Honakoak da neurrien zerrenda:
-
Jubilatuen egoitzak: Itxi egingo dira Pasaiako jubilatuen egoitzak eta Elizgain eguneko arreta-zentroa; eta egoitza eta jarduera horiekin lotuta dauden establezimendu guztiak. Orobat, jubilatuen egoitza horiekin edota adineko pertsonekin lotutako edozein ekintza bertan behera geldituko da, ohartarazpen berri bat eman artean.
-
Gizarte Zerbitzuak: bertan behera geratzen dira Gizarte Zerbitzuek eta Berdintasun sailek antolatutako ekitaldiak.
-
Kirolak: kirol instalazioak itxi egingo dira gaurtik aurrera
-
Kultura: udal programazio guztia bertan behera geratuko da.
-
Musika Eskola: bertan behera geratzen dira Musika Eskolako klaseak eta jarduerak (entseguak).
-
LHI:Klase guztiak bertan behera geratzen dira.
-
Udal euskaltegia: Bertan behera geratzen dira jarduera guztiak.
-
Liburutegia: liburutegia aldi baterako itxiko da, beste abisu bat eman arte.
-
Gaztelekua: Gaztelekua aldi baterako itxiko da, beste abisu bat eman arte.
-
Ludoteka: Ludoteka aldi baterako itxiko da, beste abisu bat eman arte.
-
Kuadrilategi: Bertan behera geratzen da, beste abisu bat eman arte.
-
Kale Hezitzaileak: Kale Hezitzaileen ekintzak bertan behera geratzen dira.
-
Aterpetxeak: Santa Ana eta Arrokaundietako aterpetxeak itxita egongo dira, beste abisu bat eman arte.
-
Zerbitzuak: udal-instalazio guztien garbiketa arrunta handituko da produktu espezifikoekin, ukipen-eremuak desinfektatu ahal izateko.
Edozein zalantza argitzeko edo kontsultatzeko, Pasaiako Udalak gogorarazi du pasaitarren eskura dituela bere komunikazio bide guztiak. Webguneko informazioa neurri berriak hartu ahala eguneratuko da.
|
OLYMPUS DIGITAL CAMERA 
