36 urte dira Pasaiako sarraskia gertatu zela
Gaur duela 36 urte espainiar poliziak Pelu, Kurro, Pelitxo eta Txapas, Komando Autonomo Antikapitalisten kideak erail zituen Donibanen. Konfinamenduan bada ere, lau kideak oroitu dituzte balkoietan.
Pasaiako segada oroituz, hilotzen pintaketak arroketan Gaur duela 36 urte espainiar poliziak lau lagun hil zituen segadan, Pasai Donibanen, badiaren bokalean. Pasaiako sarraskia izan zen hura. Komando Autonomo Antikapitalisten Kurro, Pelu, Pelitxo eta Txapas, balaz josi zituzten gau ilu hartan.
Guztira, 113 bala zulo haien gorputzetan, aurretik zein atzetik. Oraindik ere benetan gertatutakoa argitzeke dago senideen eta kolektibo askoren iritziz. Iparraldetik, txalupaz zetozen egun hartan eta KKAko kide batekin elkartzekoak baitziren; bertan zain zuten polizia. KAAko kideak emandako informazioa baina, torturapean lortutakoa zen eta hitzordua tranpa bat.
Pasaiako sarraskiaren inguruko inpunitatea, urtero salatu dute ordutik Pasaiako Sarraskia Argitu taldeak eta beste hainbat kolektibok. Aurten, koronobirusaren ondorioz ezarritako alarma egoera dela eta, ez da ekitaldi publikorik egin. Baina askok balkoietan oroitu dituzte; Eztanda Txantreako Proiektu Komunikatiboak adibidez, Barricadaren Bahía de Pasaia abestia jartzera deitu du.
