Lezoko Udala garbiketa berezi eta desinfekzio lanak egiten hasi da
Garbiketa eta desinfekzio lan bereziak egiten gaur hasi da Lezoko Udala. Espazio publikoetan arreta berezia jarriko dute.
Parkeak garbitu eta desinfektatuko dituzte, besteak beste. Lezoko Udala garbiketa eta desinfekzio lan bereziak egiten hasi da. Espazio publiko guztietan izango dute eragina lan horiek, anbulatoriotik hasita. Edukiontziak, helduleku eta barandak, eserlekuetan lan zehatzak egingo dituzte, baita herriko parke, plaza eta saltoki inguruetan ere. “Helburua da Covid-19 birusaren aurrean herriko kaleak garbi mantentzea, kutsatzeak saihesteko eta herritarren osasuna eta ongizatea bermatzeko”.
Bestalde, udalak adierazi du hondakinen bilketa normaltasunez egingo dela, eta organikoaren zein errefusaren edukiontziak irekita mantenduko direla, hau da, ez dela giltzarik beharko horiek zabaltzeko.
