Garbiketa eta desinfekzio lanak indartu ditu udalak
Zisternadun kamioi batek lau barrutietako bideak garbituko ditu. Horretarako osasun agintariek baimendutako produktu desinfektatzaile bat erabiltzen ari dira.
Lan talde bereziak osatu dira desinfekzio lanak indartzeko.
Covid-19 birusa ikaragarri kutsakorra dela erakutsi du eta adituen arabera hainbat egunez itsatsita egon daiteke material ezberdinetan. Hori dela eta, Pasaiako Udaleko Obra eta Zerbitzu Sailak, bide publikoaren garbiketa eta desinfekzio lanak indartu ditu.
Zisternadun kamio batek Pasaiako lau barrutietan garbitzen arituko da, osasun arloko agintariek baimendutako produktu desinfektatzaile batekin. Kamioiaz gain, “behar bezala babestuta”, bi langile taldek, edukiontziak, markesinak eta bestelakoak garbituko dituzte. Lan horiek aurrera eramateko, urezko garbiketa gailuak erabiliko dituzte lehenik eta jarraian, produktu desinfektatzaileak eta usaina kentzekoak.
Haiekin batera, beste bi langile talde edukiontzietatik kanpo geratzen diren hondakin guztiak biltzeaz arduratuko dira. Haiek ere, baimendutako produktu desinfektatzaile bat erabiliko dute bilketa egiterakoan.
Alkatetzak esandakoaren arabera eremu publikoak kaleak “garbi-garbi” egotea bermatu nahi dute. Neurri guzti hauek, osagarriak dira, izan ere, ohiko garbiketa lan guztiek normaltasunez jarraitzen dute.
