Igoera txikia koronabirus kasuetan Oarsoaldean
Igoera txikia koronabirus kasuetan Oarsoaldean, baina gora. Errenteria, Pasaia eta Oiartzunen artean bost gaixo gehiago daude. Lezon, hazkunderik ez.
Egunero bezala, Osasun Sailak gaur eguerdian eman ditu koronabirusaren gaineko datu zehatzak herriz herri. Atzoko (martxoak 31) 20:00ak arte kontatutako kasuak dira, denera. Kontuan hartu behar da datu horiek orain arte eman diren koronabirus datu konfirmatuen metaketa dela, martxoaren 18tik pilatzen joan direnak; litekeena da horietako batzuek jada senda-agiria jaso izana.
Beraz, atzoko datuen arabera, Errenteria-Oreretan hiru pertsonatan hazi da gaixoen kopurua, eri direnen igoera lausoaren joerarekin jarraituz. Pasaian eta Oiartzunen positibo bana gehiago daude, eta Lezon berdinean dago birusa dutenen kopurua.
Azken txosten horren arabera, hauek dira herriz herrikako datuak Oarsoaldean; parentesi artean hilaren 30ean jasotakoekin dagoen aldea.
- Errenteria-Orereta: 52 (+3).
- Pasaia: 30 (+1).
- Oiartzun: 10 (+1).
- Lezo: 7 (=).
Grafika honetan, hilaren 18tik jaso diren datuen segida.
Jarraian dagoen estekan, Osasun Sailak gaur eman dituen datuak, txostenean.
