Premiazko likidezia maileguen eskaerak kudeatzen ditu Oarsoaldeak
Elkargik kudeatzen dituen maileguak Oarsoaldea Garapen Agentziaren bitartez kudea daitezkeela jakinarazi dute. Enpresentzako diru laguntzak dira.
Oarsoaldea Garapen Agentziak jakinarazi duenez, Elkargiren premiazko likidezia maileguen eskaerak bideratuko dituzte.
Elkargi da Eusko Jaurlaritzak abian jarri duen enpresa txiki eta ertainentzako eta autonomoentzako premiazko likidezia programaren erakunde kudeatzailea. Kreditu bigunak dira, hamar bat finantza-erakunderekin lankidetzan, koronabirusaren krisiak eragindako itxieren eta salmenta-galeren ondoriozko diru zirkulatzailearen lehorteari aurre egin ahal izateko. Langileei ordaindu ahal izateko dirua da, argia edo lokalaren alokairua.
Likidezia da enpresen eta autonomoen kezkarik handienetako bat, koronabirusak eta hari aurre egiteko abian jarritako neurriek sortutako krisi-egoera horrek eragindakoa. Laguntza lerro honek 25 milioi euroko funtsak izango ditu. Maileguek euribor+O kostua dute, bost urterakoak (urte bateko gabealdia) eta irekiera komisioak %0,25 eta urteko komisioa %0,375. Autonomoentzako maileguen zenbatekoak 5.000 eta 50.000 euro artekoak izan daitezke; enpresentzat, berriz, 50.000 eta milioi bat euro artekoak.
Horrez gain, aurreikuspenen arabera, laster argitaratuko da 500 milioi euroko beste larrialdi-kreditu bat, Eusko Jaurlaritzarena, hau ere Elkargik kudeatutakoa
Helburua da enpresa bideragarriak ez ixtea. Harremanetan jartzeko, e-posta bidez idatz daiteke, edo telefonoz deitu.
