Online biblioteka, konfinamendu garaian
Lau tailer egingo ditu bibliotekak online aste honetan, gaur hasi eta asteazkenera arte.
Ateak itxita baina leihoak zabalik jarraitzen du Errenteriako Bibliotekak. aurreko astean egin bezala, aste honetarako ere atondu eskaintza irakurketa gose diren horiei begira.
Oraingoan ere, klikatu baino ez dute parte hartu nahi dutenek. Aukeran berriz, lau ekintza, gaur bertan lehenengoa: Euskarazko irakurketa kluba Xabier Etxanizek gidatuta. Aztergai, Amek ez dute, Katxia Agirreren liburua. Gaztelerazko irakurketa klubak ere izango du tartea atse honetan, Amaia GArciak dinamizatuta; Irakurketa Ozenki, 9-12 urte arteko haurrei begirakoa ere antolatu dute, Irene Sotelok gidatuta, eta azkenik, Elikadura Osasungarria hitzaldia, Jone Mendaroren eskutik.
Parte hartzeko, bibliotekak esteka bat jarriko du bere sare sozialetan, facebooken eta twitterren. Google Chrome erabili behar da eta ordenagailuko kamara eta mikrofonoa baimenduak daudela ziurtatu.
Honakoa antolatutako ekintzen egutegia:
- Literatur Solasaldia euskaraz: gaur, 19:00etan Xabier Etxanizek gidatuta.
- Irakurketa Ozenki tailerra (9-12 urte): Bihar, asteartea, 17:30ean, Irene Sotelorekin.
- Literatur Solasaldia gazteleraz: Bihar, asteartea, 19:00etan Amaia Garciak gidatuta.
- Elikadura osasungarria: Hilak 8, asteazkena, 10:30ean.