Antxoberfest, bertan behera
Antxoberfest bertan behera gelditu da. Koronabirusak eragindako osasun krisiagatik eten egin behar izan dute maiatzerako aurreikusia zegoen jaialdia.
Jaialdiaren artxiboko irudia. Pasai Antxoko Antxoberfest Garagardo Festako antolatzaileek sare sozialen bitartez jakinarazi dute bertan behera gelditu dela 2020ko jaialdia, koronabirusagatik. Maiatzerako zegoen aurreikusia garagardoaren festaren bederatzigarren ekitaldia: “Data horietan ez dira beteko eskatzen diren osasun eta segurtasun publikorako baldintzak”.
Antolatzaileek ez dute jakinarazi noiz izango den jaialdia berriz ere egiteko aukera, “baina ziur egon zaitezte ondo edan, jan eta parranda itzela egingo dugula elkarrekin”.
