Babes mezua helarazi die Pasaiako EH Bilduk herritarrei
Krisi sanitarioa eta alarma egoerak hilabete betetzear zirela, hilaren 10ean EH Bilduko bozeramaile Junkal Mintegiak adierazpen ofiziala egin zuen.
Junkal Mintegia, Pasaiako EH Bilduko bozeramaileak elkartasun mezua helarazi zuen atzo. Babes mezu bat helarazi zien hilaren 10ean EH Bilduk Pasaiako herritarrei. Junkal Mintegia Arregi bozeramailearen lehen hitzak, osasun arloko eta erresidentzietako langileei eskerrak emateko izan dira, “haiei laguntzeko ahal dugun guztia egingo dugu. Horregatik, gu etxean geratuko gara”. Argi dute, profesional horiek herritar gehienen babes osoa dutela, baina horrez gain, segurtasun materiala bermatzea eskatu dute, baldintza egokietan lan egin dezaten.
Pasaiako merkatariak ere aintzat hartu ditu Mintegiak, “zuek ematen diozue hein handi batean bizitza herriari”. Pasaian erosketak egiteko deia egin dute. Haurrak “oso ondo” ari direla errekonozitu du eta ziurtatu die laster ikusiko dutela elkar “herriko plaza eta parkeetan”. Adinekoei aldiz, eusteko eskatu die eta etxetik ez irteteko, haien segurtasuna zaintzea lehentasuna baita.
Konfinamendua, emakumeen amets gaizto ezin dela izan nabarmendu du, “indarkeria pairatzen duten emakumeak dira babesgabeenak dira krisi honetan”. Indarkeri matxistaren biktimek, 900840111 telefono zenbakira deitu dezakete uneoro. Doako zerbitzua da eta ez du arrastorik uzten fakturan.
Biktimei ere zuzendu zaie Mintegiak, hau da, krisi sanitario honetan senide edo gertuko bat galdu (Koronabirusak jota ala beste arrazoiak direla medio) duten herritarrei “pertsona bati horrela agur esatea benetan zaila da. Dolua horrela bizitzea oso gogorra da”. Ehorzketen inguruan hartutako neurriak malgutzeko aukerak aztertzearen alde agertu dira.
Etxetik izan arren, lanean jarraitzen dutela gogoratzearekin batera, zaintza lanak eta bestelako elkartasun zerbitzuetan parte hartzen ari diren herritarrei eskerrak eman nahi izan dizkie.
