Balkoietako ekintzak eta atsedena uztartzeko iradokizunak eman ditu udalak
Leiho eta balkoietako musika saioek atseden hartzeko eskubidea oztopatu ez dezaten, hainbat neurri ezarri dituzte Pasaiako Udalak eta Udaltzaingoak.
20:00etatik aurrera 30 minutuz egin ahalko dira ekintzak Pasaiako balkoietan. Etxeko lau paretetatik irten ezin denean, leiho balkoiak herriko plazen lekua hartu dutela frogatu dute balkoiek. Albiste txarrez inguratuta bizi diren herritarrentzat, espazio txiki horiek elkartasun eta aisialdi iturri bihurtu dira. Finean, ezohiko egoera honi, gizatasun kutsua ematen diote.
Pasaiako Udalak biziki eskertzen ditu bizilagunak egiten ari diren ekintza eta ahalegin guztiak. Dena dela, herritar asko lanera joan behar direla eta beste asko behar bereziak dituztela ohartarazi dute. Balkoietako ekintzak eta atsedena uztartzeko asmoz, hainbat jarraibide eman dituzte Pasaiako Udalak eta Udaltzaingoak:
- Balkoietan egindako edozein jarduerek irauten duten denbora eta dezibelioak mugatu beharko dira.
- 20:00etatik aurrera, gehienez 30 minutuz egin ahalko dira jarduera.
- Udaltzainek, zarata neurtzeko gailuez lagunduta, bolumena jaisteko ala zuzenean zarata eteteko eskatu ahalko du.
- Interferentziak zein lehiak ekiditeko, kale bakoitzeko gehienez musika euskarri bat izango da.
- Zuzeneko ikuskizunek, kontzertuek eta izaera artistikodunek, lehentasuna izango dute.
- Udaltzainen bitartekaritza lana errazteko, kexak jartzen dituztenek, identifikatu beharko dira eta kexaren zergatia argudiatu.
