II. Errepublikaren aldarrikapena oroitu dute Trintxerpen
Gaur 89 urte bete dira Espainiako Bigarren Errepublika aldarrikatu zenetik. Oroigarri gisa, errepublikaren hiru koloreko bandera jarri dute Trintxerpeko Alkateordetzan.
Bigarren Errepublikaren hiru kolorekko bandera zintzilikatu dute Trintxerpeko alkateordetzan. Trintxerpen ez dute ahaztu gaurko egunez duela 89 urte Espainiako Bigarren Errepublika aldarrikatu zela. Horren adierazgarri da gaur Trintxerpeko Alkateordetzako balkoian zintzilik ageri den hiru koloreko bandera. Urte asko igaro dira, tartean 40 urteko diktadura faxista eta jarraian iritsitako monarkia, baina errepublikazaleek ez dute ahazten 1931ko gertakari hura.
Udal hauteskundeetan, monarkiaren aurkako alderdiek garaipena lortu zuten udal hauteskundeetan, monarkia bera eta Primo de Riveraren diktadurari amaiera emanez. Alfontso Borboi, erbestera jo zuen. Apirilaren 13an Eibarko udaletxean eman zen lehen urratsa, hiru koloreko bandera zintzilikatuz. Hurrengo egunean, aldarria estatu osora zabaldu zen. Susperraldi politikorako urteak izan ziren Pasaian. Langile mugimenduen eskutik, talde ugari eratu ziren bereziki sozialistak, baina baita abertzaleak eta anarkistak ere.
