Online egitarau oparoa aste honetarako Errenteriako liburutegian
Koronabirusak herritarrak etxean konfinatu ditu, baina ez du udal liburutegiaren jarduna eten. Sareak emandako aukerak baliatu eta parte hartzera deitu dituzte herritarrak.
Ateak itxi baditu ere, liburutegiak zerbitzuak internet bidez eskaintzen jarraitzen dute. Irudia: Errenteriako Udal Liburutegia. Aste Santutik bueltan indartsu itzuli da Errenteriako Udal Liburutegia, internet bidez bada ere. Etxetik mugitu ezinik dauden herritarrengandik gertu egon nahi dute. Helburu nagusia, klik soil baten bidez itxialdia arintzea eta kultura kontsumitzeko aukera ematea da.
Aste honetarako beraz, Streaming bitartez egingo diren lau ekintza antolatuko dituzte liburutegian. Lehen biak, gaur bertan izango dira; 17:30etatik aurrera 9 eta 12 urte bitarteko Irakurketa Ozenki tailerra egingo da. Ordu eta erdi beranduago, 19:00etan bost emakume aitzindarik solasaldia emango dute, Charlotte Perkins Gilman idazlearen, Cinco mujeres locas, obraren pasarte batean oinarrituz.
Biharko, beste bi ekintza; 10:30ean elikadura osasungarri tailerra eta 19:00etan English Book Club. Parte hartzea oso sinplea izango da. Liburutegiaren Twitter eta Facebook kontuetan, esteka bat jarriko dute eta nahikoa izango da hura sakatzea ekintzara bideratzeko. Google Chrome sistema erabili behar da eta kamera zein mikrofonoak baimenduak egon behar direla ohartarazi dute liburutegitik.
Aste honetako online egitaraua:
Apirilak 14, asteartea.
- Irakurketa Ozenki tailerra (9-12 urte), 17:30ean.
- Aitzindari batzuk, solasaldi tematikoa. Kontakizuna: El papel pintado de amarillo, Cinco mujeres, 19:00etan.
Apirilak 15, asteazkena.
- Elikadura osasungarria tailerra 10:30ean. Gaia: indartu zure osasuna.
- English Book Club 19:00etan. Aste honetako liburua: The picture of Dorian Gray, Oscar Wilde.
