Antxotarrek dantza betean erantzun diote erronkari
Antxoko topaguneak gustura asko jaso zuten Piztu Lezokoen erronka. 181 lagun dantza betea jarri dituzte Topagunekoek. Emaitza dagoeneko denontzat ikusgai dago.
Antxotarren bideotik ateratako pasarte bat. Irudia: Antxoko Topagunea This is the fiesta dio Modus Operandiren abestiak. Eta festa galanta antolatu dute antxotarrek lezoarren erronkari erantzuteko. Piztu Lezok erronka bota zion Antxoko Topaguneari, ea nork bilduko zituen herritar gehiago, This is the fiesta abestiaren doinuari jarraiki dantzatzeko.
Antxotarren emaitza, gaur bertan zabaldu dute Youtuben jarritako bideo baten bidez. Guztira 181 antxotar bildu dituzte, denak arropa zuriak eta zapi gorriak soinean zituztela. Herri bakar batek irabaziko du erronka. Argi gelditu dena da, Antxon zein Lezon, zintzotasun eta alaitasunez hartu dutela erronka.
