Euskarazko zinea, egongelara
Euskaraldia dinamikak jarritako erronken harira, gaur beste bat plazaratu du Lau Haizetara Euskaltzaleen Topaguneak, zinea euskaraz ikustea.
Euskaraldia dinamikak jarritako erronken harira, gaur beste bat plazaratu du Lau Haizetara Euskaltzaleen Topaguneak, zinea euskaraz ikustea. Etxealdi garaian, batzuek behintzat, ez dute aitzakiarik izango ez bat egiteko.
Asteazkenetan ikuslearen eguna izaten da Euskal Herriko zinema areto ugaritan; gaur asteazkena da. Zinema aretoek ateak itxiak dituzte, baina inoiz baino biziago daude herriko etxeetako egongelak eta horiek euskaraz, kulturaz, euskal zinemaz finean, betetzera deitu du Lau HAizetarak. Pelikula mordoaren artean aukeratzeko bidea ere jarri du: hemen.
Orain arteko erronketan bezala, honetan ere argazkia edo bideoa grabatzekotan eta sare sozialetan partekatzerakoan #EtxealditikEuskaraldira traola eta@euskaraldia eta @euskaraldiaerrenteria aipamenak egiteko eskatu du. Baita leiho eta balkoiak koloretako puntuak erabiliz apaintzeko ere, bertan ahobizi eta belarriprestak daudela jakiteko.
