'Begiradak leihoetatik' film kolektiboa estreinatuko dute igandean
Herritarren erantzuna "itzela" izan dela dio udalak: "150 bideotik gora jaso ditugu filma osatzeko. Eskerrak eman nadi dizkiegu herriak bizi duen egungo egoeraren autoerretratu filmikoa sortzeko euren pieza txikiak bidali dituzten guztiei".
Errenteriaren 700. urteurrenaren ospakizunetan bete-betean behar zuen udalerriak, eta horretarako egitarau oparoa ere prest du. COVID-19a berriz, bat batean azaldu eta dena jarri du hankaz gora. Ez dira errenteriarrak urteurrena desio duten moduan ospatzen ari ziurrenik, baina irudimena ez zaie falta, ezta sortzaile bikain ugari etxealdian bada ere ospatzeko urteurren berezia.
Amaitzear den hil honen 4an, balkoi eta leihoak zorion mezuz, doinuz, kolorez eta itxaropen mezuz bete zituzten urteurrenaren egun handia ospatzeko. Komunitatea balkoi eta leihoetan saretu zen, hezur mamitu kolektiboa sortzeko. Orain ekimen berri batek ikusiko du argia. Udalak, konfinamendu egoerak eragindako hausnarketak biltzea eskatu zien herritarrei martxoa amaieran; helburua, Begiradak leihoetatik film kolektiboa osatzea. Bada, osatu dute, eta igandean ikusiko du argia, estreinaldi berezian.
Herritarren erantzuna “itzela” izan dela dio udalak: “150 bideotik gora jaso ditugu filma osatzeko. Eskerrak eman nadi dizkiegu herriak bizi duen egungo egoeraren autoerretratu filmikoa sortzeko euren pieza txikiak bidali dituzten guztiei”.
“Lan handiko” hiru asteren ondoren, amaituta dago filma. Emaitzak urteurrenaren ospakizuna, konfinamenduaren berezitasunak, piztutako hausnarketak eta errenteriaren gutasuna oinarri duten mezuak bildu ditu ordu erdi inguruko lan batean.
Begiradak leihoetatik. Errenteriarren arnas filmikoa, igandean, maiatzaren 3an estreinatuko da Herri Bizia webgunean, 18:00etan.
Filmaren muntaketa Lander Garro zinemagile errenteriarrak egin du.
