Itxialdian, txalapartaren ttakuna eta herrena ozen
Errenteria Musikaleko txalaparta ikasleek bideoa zabaldu dute sare sozialetan, berrogeialdian ere lanean jarraitzen dutela erakusteko.
Egoera berezi honetan, Errenteria Musikaleko ikasle eta irakasleek ere lanean jarraitzen dute. Horiei ere egokitu zaie berrasmatu eta egoerara moldatzea. Berrogeialdiaren harira, lan horren erakusle ugari uzten ari dira eta sareetan zabaltzen; oraingoan, txalaparta ikasleek prestatu dute bideoa, etxean musika egin daitekeela erakusteko. Kasu batzuetan bi pertsona ezberdin izan dira ttakuna eta herrena, besteetan, bakarrak hartu ditu bi paperak, baina batera edo bestera ozen entzun da txalaparta.
