Aurrez aurreko zerbitzua emateari berrekin dio udalak, aldez aurretik hitzordua eskatuta
Oraingoz, Donibanen baino ez da emango zerbitzua, udaletxean eta ohiko ordutegian, astelehenetik ostiralera 8:00etatik 14:00etara.
Oraingoz, udaletxean baino ez da eskainiko aurrez aurreko zerbitzua. Gaurtik martxan da berriz ere aurrez aurreko zerbitzua Pasaiako Udalak. Zerbitzua baina, baldintza berezietan eskainiko da oraingoz. Aldez aurretik hitzordua eskatu beharko da, eta Donibaneko Arizabalo jauregian besterik ez, hau da udaletxean. Trintxerpe eta Antxoko Herritarren Arreta Zerbitzurako bulegoak progresiboki zabaltzeko asmoa iragarri du udalak.
HAZ zerbitzua ohiko ordutegian eskainiko da, astelehenetik ostiralera 8:00etatik 14:00etara. Hitzordua eskatzeko 943 34 40 34 telefonora deitu beharko da, aipatutako ordutegian. Dena dela, ahal den heinean, tramiteak egiterakoan bide telematikoa lehenestea eskatu dute. HAZ bulegoen zerbitzuen irekiera mailakatuz, osasun arloko agintarien aholkuei jarraitu dietela adierazi du Pasaiako Udalak.
