Patxi Ruiz euskal presoari babesa adierazteko elkarretaratzea gaur, Gure Zumardian
Gose eta egarri greban da Patxi Ruiz hilaren 11tik. Haren borrokaldiri babesa adierazteko kontzentrazioa egingo dute gaur Antxon, 20:00etan.
Astebete da Patxi Ruiz euskal presoa gose eta egarri greba hasi zuela. Haren borrokarekin bat egiteko eta bere egoeraz ohartarazteko, elkarretaratzea deitu dute gaurko Pasain Antxon. 20:00etan egingo da, Gure Zumardian.
Hilaren 17an hasi zuen Txantreako (Iruña) presoak gose eta egarri greba, Murtzia II espetxeko zuzendaritzarengandik jasandako mehatxuak salatzeko, Berriak jakitera eman zuenez. AEM Amnistiaren Aldeko eta Errepresioaren Aurkako Mugimenduak azaldu du, Ruizen grebak honako helburuak dituela; preso eriak eta zigorraren zati handiena betea dutenak askatzea eskatzea, baita bisitak jasotzeko eskubidea aldarrikatzea eta ez kutsatzeko neurriak eskatzea.
Aldarrikapen horiekin bat egiteko, bilduko dira gaur arratsaldean Antxoko Gure Zumardian.
