Pirata, Axel Casas eta Ixiar Garciaren proposamenekin amaituko da Kultur Labea
Gaur L.M Moreno Piratak El Centenarioren bertsio bat eskainiko du; bihar berriz, Axel Casas gidoilariak hartuko du lekukoa, eta ginga, Ixiar Garcia artistak jarriko dio proiektuari.
Piratak egingo du emanaldia gaur. Argazkia: Herri Bizia Kultur sorkuntzak etenik izan ez zezan konfinamendu garaian, Kultur Labea proiektua jarri zuen martxan Errenteriako Udalak. Tokiko artisten sorkuntzarentzat leihoa bilakatu zuen Herri Bizia webgunea online emanaldien bidez apirilaren 9an; ordutik 23 artista pasa dira bertatik, beren sorkuntzekin herritarrak gozarazteko, eta batez ere, artea, sorkuntza bera, kultura ito ez zedin COVID-19ak eragindako larrialdi egoeran.
Asteazkenean, azken emanaldia eskainiko du Kultur Labeak, eta ordura arte beste hiru emanaldi izango dira ikusgai bertan. Guztien estreinaldia, orain arte bezala 18:00etan izango da eta agertokia Herri Bizia webgunea.
Gaur L.M Moreno Piratak El Centenarioren bertsio bat eskainiko du; bihar berriz, Axel Casas gidoilariak hartuko du lekukoa, eta ginga, Ixiar Garcia artistak jarriko dio proiektuari.
Testuinguru berrira egokitutako udako kultur programazioa osatzeko lanean ari dela jakinarazi du udalak azkenik.
