Beheko Plazako eta Landetxeko aparkalekuak, txandakakoak berriro
Euskal Herria plazakoak izan ziren lehenengoak aurreko egoerara bueltatzen, eta orain herriko beste bi aparkaleku publikoak itzuliko dira.
Asteazkenetik —hilak 3— aurrera, Landetxe eta Beheko Plazako udal aparkalekuak aurreko egoerara bueltatuko dira. Alegia, astelehenetik larunbat goizera bitartean Beheko Plazan, gehienez, hiru orduz aparkatu ahal izango da. Landetxen, berriz, sei ordukoa izango da muga. Bi kasuetan, 08:00etan 14:30era bitartean izango da muga egongo den ordutegia.
Aurretik, Euskal Herria plazako aparkaleku publikoa bueltatu zen txandakako aparkalekuak eskaintzera. Aste honekin, Elizalde auzoko hiru parkingak bueltatuko dira ohiko funtzionamendura.
