Irakurketa Ozenki eta Gaztelerazko literatur solasaldia online aste honetan ere
Saioen esteka lortzeko, 943 449 635 telefono zenbakira deitu, 647 673 451 telefono zenbakira whatsappa bidali, edota posta elektronikora mezua bidali behar da.
Bibliotekak maileguetarako zabaldu ditu ateak gaur, hala ere horretara mugatuko da, beste zerbitzu guztiak ezingo dira modu presentzialean egin oraindik. Hala ere, aurreko hilabeteetan bezala, esfortzua egiten ari da Errenteriako Biblioteka herritarrak literatur gose geldi ez daitezen, baita txikienek ere beren programak, online bada ere, jarraitzeko aukera izan dezaten. Horri begira, aste honetan beste bi proposamenekin dator. Gaztelerazko Literatur Solasaldia izango da bihar, 19:00etan Amaia Garciak gidatuta. Diario de K Karmelo C Iribarrenen liburua izango dute azterlan, eta idazleak zuzenean hartuko du parte solasaldian, gainera. Bigarren hitzordua, 9-12 urte arteko haurrei begirako Irakurketa Ozenki tailerra izango da asteazkenean 17:00etan Irene Soteloren eskutik.
Ekintza horietan parte hartzen dutenei gonbidapena luzatuko die bibliotekak, baina ekintza guztiak irekiak izango dira herritar guztientzat.
Saioen esteka lortzeko, 943 449 635 telefono zenbakira deitu, 647 673 451 telefono zenbakira whatsappa bidali, edota posta elektronikora mezua bidali behar da.
