Euskara sustatzeko Lezoko Udalaren diru laguntzak, martxan
Euskara sustatzeko Lezoko Udalaren diru laguntzak martxan dira. Bost arlo nagusitan banatu ditu udalak laguntza eskatzeko esparruak.
Lezoko Udalak prest ditu euskararen ezagutza eta hobekuntza sustatzeko diru laguntzak. Lau multzo handitan dauden banatuta. Horietako baten eskaera egiteko epea eta baldintzak atal bakoitzean daude zehaztuta. Udalaren webgunean aurki daitezke ondorengoen osagarri izan daitezkeen xehetasunak.
Euskara ikasteko diru laguntzak.
- Eskaera egiteko epea: uztailaren 3a arte. Uztaila-iraila bitartean izena eman nahi dutenek: urriak 16 arte.
- Baldintzak: Udalerriko euskaltegian edo beste edozein euskaltegitan izena ematea eta gutxienez % 85eko asistentzia egiaztatzea. Derrigorrezkoa da, gutxienez, Lezon urtebetez erroldatuta egotea.
Unibertsitateko udako euskarazko ikastaroetan parte hartzeko matrikula ordaintzeko diru laguntzak.
- Eskaera egiteko epea: ikastaroa amaitu ondoren aurkeztu behar da eskabidea (urtea amaitu aurretik).
- Baldintzak: UEUko edota EHUko ikastaroetan parte hartzea. Lezon, gutxienez, azken urtean erroldatuta egotea. Ikaslea edo erretiratua izatea edo langabezian egotea.
Aisialdiko begirale/zuzendari ikastaroa euskaraz egiteko laguntzak.
- Eskaera egiteko epea: ikastaroa amaitu ondoren aurkeztu behar da eskabidea (urtea amaitu aurretik).
- Baldintzak: Lezon, gutxienez, azken urtean erroldatuta egotea. Ikastaroa euskaraz izatea eta Eusko Jaurlaritzak homologatua egotea. Araututako gehienezko epean titulua ateratzea.
Errotuluak euskaraz jarri nahi dituzten elkarte, merkatari edota erakundeei bideratutako laguntzak.
- Eskaera egiteko epea: edozein momentutan, baina errotuluak jarri aurretik.
- Baldintzak: Lokala Lezon kokatuta egotea. Errotuluaren testuak euskaraz idatzita egotea. Testuak euskaraz ondo idatzita egotea.
Udalerriz gaindiko eremuetan euskara sustatzen duten erakundeei zuzendutako diru-laguntzak.
- Eskaera egiteko epea: ekainak 30 arte.
- Baldintzak: euskararen normalizazioan eragiten duten esparrua lantzea.
