Patxi Ruizen aldeko mobilizazioekin jarraitzen dute
Hogeita hirugarren eguna bete du gose greban Txantreako euskal presoak, Murtzia II espetxean funtzionarioen aldetik jasotako mehatxuak salatzeko.
Atzoko protestaren irudi bat. Argazkia: Herri Erantzuna Hogeita hirugarren eguna bete du gose greban Patxi Ruiz Txantreako euskal presoak gaur. Lehenengo hamabi egunetan gose eta egarri greba egin zituen. Egunero ari dira elkarretaratze eta manifestazioak egiten Errenteria-Oreretan Ruizi zein gainontzeko euskal presoei elkartasuna eta babesa adierazteko, eta espetxe barruan bizi duten egoera salatzeko.
Ruizek Murtzia II espetxeko erizaindegian isolatuta jarraitzen du. Pasa den hilabete hasieran gose eta egarri grebari ekin zion Ruizek. Murtzia II espetxean kartelada egiten ari ziren espetxeari COVID-19aren hedapena ekiditeko neurriak har zitzan eskatzeko. Presoek ezer gutxi egin dezakete babesteko pandemiaren aurrean, beren ziegetan itxita gelditzea erabaki dute euskal preso askok, preso gehien pilatzen den espazioak ekiditeko. Bisita, aurrez aurreko eta prentsarik jaso gabeko agertokian, horrek beren isolamendua areagotzea suposatzen du.
Ruizek eskaera zerrenda aurkeztu zuen maiatzaren 19an. Lau eskaera bildu ditu bertan euskal presoak: Urte hauetan zehar pairatu duen tratua eta, bereziki, Murtzia II-ko kartzelan jaso duena kontuan izanda, kartzelak egoera honetan duen ardura asumitzea eta bere integritate fisikoaren segurtasuna bermatzea exijitu du; Zuzendariak, medikuak eta hainbat kartzelariek presoekiko duten jarrera salatzea eta bertan behera uztea, hau da, mehatxu, jipoien eta irainen bukaera; bere borroka politikoa dela argi utzi, bera bizirik ateratzeko baldintza gisa, Euskal Herrira lekualda dezaten exijitu du, eta berarekin batera gainontzeko euskal preso politiko guztiak ere; Azkenik, beste antolakunde batzuetako preso politikoak, Euskal Herrikoak ez direnak, euren bizitokietara eramatea ere eskatu du.
Egunero egiten dute protesta, astelehenetik ostegunera 20:00etan abiatuta eta ostiraletan, 20:30ean.
Atzoko protestarenak dira argazkiak, eta orain arte bezala, mobilizazioen deitzailea den Herri Erantzunak helarazi dizkio HITZA-ri.
-
- Patxi Ruiz euskal presoaren aldeko protesta.
-
- Patxi Ruiz euskal presoaren aldeko protesta.
-
- Patxi Ruiz euskal presoaren aldeko protesta.
-
- Patxi Ruiz euskal presoaren aldeko protesta.
-
- Patxi Ruiz euskal presoaren aldeko protesta.
