Sormen arloko pertsona eta enpresentzako webinarra egingo dute
Hilaren 11n egingo dute webinarra, Oarsoaldea Garapen Agentziaren eskutik. Sei esperientziaren berri emango dute saio horretan.
Oarsoaldea Garapen Agentziak iragarri duenez, sormenaren arloan lan egiten duten norbanako eta enpresei zuzendutako webinarra egingo dute. Hurrengo ostegunean, hilak 11, izango da, 16:00etan hasita. Lankidetza sustatu nahi dute horrekin.
Oarsoaldeaz gain, beste hainbat tokiko garapen agentziek antolatu dute webinarra: Bidasoa Bizirik, Bilbo Ekintza, Getxolan, Meatzaldeko Behargintzak eta Urola Kostako Udal Elkarteak.
Sei proiektu bertatik bertara ezagutzeko aukera emango dute, eskualde bakoitzeko bat (hemen ikus daitezke denak). Oarsoaldearen ordezkari moduan, arte bisualetan lan egiten duen Frangoak enpresa izango da hitz egingo duena. Alexander Castrillok eta Koldo Agirrek sortu zuten, Frangoak ikus-entzunezko produkzioan aritzen da, zineman (Dantza, Handia…), telebistan eta publizitatean. Beren proiektuak Habian! eraikinean hartu du ostatu.
Webinarrak leku mugatuak izango ditu eta izen-emateak galdetegi honen bidez egingo dira.
