Bonu kanpaina arrakastatsua izaten ari dela ziurtatu du udalak
Herriko 43 establezimenduek bat egin zuten kanpainarekin. Dagoeneko horietako hirutan agortu dira bonuak. Oraindik izena eman daiteke.
Herriko merkataritza txikia eta ostalaritza sustatzeko bonu kanpaina harrera ona izaten ari dela jakinarazi du udalak. 43 establezimenduk bat egin dute —oraingoz—, eta horietako hirutan dagoeneko agortu dira bonuak. Arkupe hortz klinika, Azkar kirol denda eta Itziar edergintza dira establezimendu horiek.
Beste 40 establezimenduetan oraindik eskura daude. Herritarrek 30 euroko bonu bat erosita, 40 euroko erosketa egiteko aukera izango dute horietan. Udalak ordaintzen du alde hori.
Oraindik bat egiteko aukera dagoela gogorarazi die parte hartu ez duten merkatari eta ostalariei. Horretarako, e-posta bidez jar daitezke harremanetan, edo telefono bidez. 943 49 01 42 telefono zenbakira dei dezakete (astelehenetik ostiralera, 08:30etik 14:00etara).
Honako establezimendu hauetan eros daiteke bonua:
- Ainhoa Berasarte fisioterapia.
- Ainhoa ile-apaindegia.
- Alhambra taberna.
- Baobab.
- Dixidu diseinu grafikoa.
- El Paso.
- Garbiñe edergintza.
- Goxoki denda.
- Gurutze Berri jatetxea.
- Intxixu erretegia.
- Iriberri jatetxea.
- Irubide taberna.
- Kabitxo taberna.
- Kapeo jatetxea.
- Kastro-berri taberna.
- Kinkilla.
- Kirikoketa ileapaindegia.
- Lide Cenzano fisioterapia.
- Lizarralde ortopedia.
- Maddi arropa denda.
- Matteo jatetxea.
- Mirari Txurio ileapaindegia.
- Miren taberna.
- Numai ongizate zentroa.
- Oiartzun autoeskola.
- Oiartzun Running Shop.
- Oiartzun Zone.
- Ordozelai sagardotegia.
- Orratz arropa denda.
- Oskarbi.
- Pausoz pauso podologia.
- Sasi loradenda.
- Sasoiko janariak.
- Sorgin Zulo taberna.
- Toki Alai jatetxea.
- Tolaita taberna.
- Txikierdi alde.
- Txintxosta.
- Urkola optika.
- Urrats paper denda.
