Liburutegiko Ikasle Gela ostegunean irekiko dute
Edukiera mugatua izango du Manuel Lekuona bibliotekako beheko solairuko aretoak. Internet zerbitzua ere berriro martxan jarriko dute.
Etzi —osteguna, hilak 11— Manuel Lekuona bibliotekako Ikasle Gela berriro irekiko dute. Normaltasunera bidean, baina, muga batzuk izango ditu oraindik.
Ikasteko eremua den bitartean, gehienez hamabi pertsona egon daitezke. Bileraren bat egin behar denean, berriz, 23 lagunetara mugatuko da edukiera. Bi kasuetan segurtasun tarteak mantendu beharko direla gogorarazi dute.
Ordutegian ere aldaketak izango dira: Manuel Lekuona bibliotekaren berbera izango du. Ikasle Gela, beraz, irekita egongo da astelehenetik ostiralera 09:00etatik 13:00etara eta 16:00etatik 20:00etara, eta larunbatetan 09:00etatik 13:00etara.
Internet zerbitzua, abian
Ikasle Gelaz gain, Manuel Lekuona bibliotekaren beste zerbitzuetako bat abiaraziko dute datorren ostegunean bertan. Ganbarako ordenagailuak erabiltzerakoan ere bai, aforo mugatua izango dute: gehienez zortzi lagun egon ahal izango dira.
