Kirol instalazioak uztailaren 1ean irekiko dituzte
Elorsoro kiroldegia, Madalensoro pilotalekua eta udako igerilekuak datorren hilabetean irekiko dituzte. Segurtasun neurriak hartuko dituztela jakinarazi dute.
Elorsoro kiroldegiak hiru hilabete darama itxita.
Kirola egiten duten hainbat oiartzuarrek hainbeste itxaroten ari ziren momentuak badu data: uztailaren 1ean irekiko dituzte herriko kirol instalazioak. Oiartzungo Udalak jakinarazi duenez, Elorsoro kiroldegia, Madalensoro pilotalekua eta udako igerilekua uztailaren 1ean irekiko dituzte.
Ziurtatu dutenez, osasun prebentzio neurriak bermatuko dituzte kirol instalazioetan, erabiltzaileen segurtasunari lehentasuna emateko. “Momentu honetan, neurri horien prestaketa lanak egiten ari dira Udala eta kirol instalazioen kudeatzaileak. Datozen egun eta asteetan informazio zehatzagoa emango da instalazio bakoitzaren erabileraren inguruan: aforoak, segurtasun neurriak, prezioak…”, adierazi dute.
Elorsoro eta Madalensoro ireki aurretik, mantenu lanak egiten ari dira. Horregatik, abuztuan irekita egonogo dira bi instalazioak.
COVID19ak eragindako larrialdi egoerarengatik martxoaren 16tik itxita egon udal kirol instalazioak. Itxita egon den tarteko kuota ez diete kobratuko kiroldegiko erabiltzaileei.
