Francis gogoan, 41 urte geroago
41 urte bete dira hilketa homofobo hartatik, baina bizi-bizirik jarraitzen du Francisen irudiak bere herrian.
Krabelin gorriak Francisen omenezbere omenezko plakaren ondoan. Argazkia: Mikel Martin Vicente Vadillo Francis hil zutela 41 urte bete dira gaur. Polizia batek, Antonio Cavak, hil zuen Iztieta auzoan zegoen Apolo dantzalekuan. 32 urte zituen Francisek. 41 urte bete dira hilketa homofobo hartatik, baina bizi-bizirik jarraitzen du Francisen irudiak bere herrian. Zazpi urte dira, lehenengoz transexual, lesbiana, gay eta bisexualen eskubideak aldarrikatzen dituen ortzadarraren koloreekin zebrabidea margotu zutela haren omenez; haren omenez, eta herriko gay eta lesbiana aitzindariei esker onez. Iaz koloreztatu zuten azkenekoz homofobiaren aurkako eta askatasunaren aldeko ikur bilakatu den zebrabidea. Bere omenezko plaka ere zebrabidearen ondoko pasabideetako batean, Iztieta auzoan dago kokatuta.
Merezitako omenaldia baino xumeagoa izango da gaur jasoko duena, COVID-19 garaiak ezarritako normaltasun berrian; baina gaur ere ez dute hutsik egin, gogoan izan dute, eta krabelin gorriz jantzi dute haren omenezko plaka. Errenteriako LGTBI+ Mahaiak haren omenezko argazkia zabaldu du gaur sare sozialen bidez.
