[Galeria] Patxi Ruizi eta gainontzeko euskal presoei babesa erakusten jarraitzen dute
Ruizek Murtzia II espetxean bizi duen egoera salatzeko eta berari zein gainontzeko euskal presoei elkartasuna eta babesa helarazteko mobilizazioek ez dute etenik. Egunero egiten dute elkarretaratzea eta manifestazioa Zumarditik abiatuta eta Herri Erantzunak deituta 20:00etan, ostiraletan izan ezik, egun horretan 20:30ean egiten dute protesta leku beretik abiatuta.
Patxi Ruizen aldeko mobilizazioaren irudi bat. Igandekoa da. Argazkia: Herri Erantzuna 31 egun bete ditu gose greban Patxi Ruiz Txantreako euskal presoak. Lehenengo hamabietan, gose eta egarri greba egin zituen. Ruizek Murtzia II espetxean bizi duen egoera salatzeko eta berari zein gainontzeko euskal presoei elkartasuna eta babesa helarazteko mobilizazioek ez dute etenik. Egunero egiten dute elkarretaratzea eta manifestazioa Zumarditik abiatuta eta Herri Erantzunak deituta 20:00etan, ostiraletan izan ezik, egun horretan 20:30ean egiten dute protesta leku beretik abiatuta. Mobilizazio horietan, aipamena egin diete Julen Atxurra preso lekeitiarrari —Puerto I espetxean dago eta buruko isuria izan du— eta larri gaixo dagoen Mikel Arrieta Llopis oreretarrari.
Ruizen gaineko informazio askorik ez dago, baina euskal presoak atzo jaso zuela Murtzia II espetxeko erizaindegi moduluan alta jakinarazi du Amnistiaren Aldeko eta Errepresioaren Aurkako Mugimenduak bere web orrian euskal presoaren gainean egunero egiten duen osasun partearen bidez. Litekeena da, beraz, Ruiz modulu arruntera eramatea gaur.
Pasa den hilabete hasieran gose eta egarri grebari ekin zion Ruizek. Murtzia II espetxean kartelada egiten ari ziren espetxeari COVID-19aren hedapena ekiditeko neurriak har zitzan eskatzeko. Presoek ezer gutxi egin dezakete babesteko pandemiaren aurrean, beren ziegetan itxita gelditzea erabaki dute euskal preso askok, preso gehien pilatzen diren espazioak ekiditeko. Bisita, aurrez aurreko eta prentsarik jaso gabeko agertokian, horrek beren isolamendua areagotzea suposatu du.
Ruizek eskaera zerrenda aurkeztu zuen maiatzaren 19an. Lau eskaera bildu ditu bertan euskal presoak: Urte hauetan zehar pairatu duen tratua eta, bereziki, Murtzia II-ko kartzelan jaso duena kontuan izanda, kartzelak egoera honetan duen ardura asumitzea eta bere integritate fisikoaren segurtasuna bermatzea exijitu du; Zuzendariak, medikuak eta hainbat kartzelariek presoekiko duten jarrera salatzea eta bertan behera uztea, hau da, mehatxu, jipoien eta irainen bukaera; bere borroka politikoa dela argi utzita, bera bizirik ateratzeko baldintza gisa, Euskal Herrira lekualda dezaten exijitu du, eta berarekin batera gainontzeko euskal preso politiko guztiak ere; azkenik, beste antolakunde batzuetako preso politikoak, Euskal Herrikoak ez direnak, euren bizitokietara eramatea ere eskatu du.
Argazkia galeriara bildutako argazkiak, Herri Erantzuna taldeak bidalitakoak dira eta ostiraletik atzora arte egindako protestei dagozkie.
