Herritarren jarrera eskertu du Herri Erantzunak
Azken hilabetean egunero elkarretaratu dira Patxi Ruiz gose greban zen euskal presoaren egoera zein gainontzeko euskal presoena salatu eta babesa helarazteko.
Atzoko elkarretaratzeko irudi bat. Argazkia Patxi Ruiz Txantreako euskal presoak atzo utzi zuen gose greba, 31 egun protestan bete ondoren. Greba bertan behera uzteko arrazoiak euskal presoak berak emango dituela azaldu dute. Errenteria-Oreretan haren zein gainontzeko euskal presoen egoera salatu eta elkartasuna adierazteko mobilizazioetara deitu duen Herri Erantzuna iniziatibak, eskerrak eman dizkie elkarretaratze eta manifestazio horietan parte hartu duten herritar guztiei.
Ruizek atzo eman zuen amaitutzat gose greba, baina hala ere, Herri Erantzunak mantendu egin zuen 20:00etarako deitua zuen elkarretaratzea. Herritarrei eskerrak emateko baliatu zuen hitzordua eta euskal presoek bizi duten salbuespen egoera salatu eta haiei babesa adierazteko.
Ondoko argazkiak, Herri Erantzuna iniziatibarenak dira.
