Jaizkibelgo eremu militarrerako martxan, berritasunak
COVID-19ak sortutako egoerak pixka bat baldintzatuko gastu militarren kontrako martxa. Etxetxo taldeko kide batek azalpenak emango ditu bidean.
Tiro eremua salatzera joango dira beste behin. Igandean, hilak 14, egingo dute Jaizkibelgo eremu militarraren kontrako urteroko martxa. 10:00etan abiatuko dira Gurutze Santuaren plazatik. Mobilizazioaren leloa, honakoa: Gastu militarrak behar sozialetara. Inguruko eta Euskal Herriko talde eta eragilek askok azaldu diote martxari babesa.Beraz, jendetsua espero da etziko mobilizazioa. Berritasunekin dator aurtengoa, ordea.
Hasteko, abiatu baino lehen, osasun segurtasun neurrien berri emango diete partaideei, plazan bertan. Ondoren, Iparragirreko barrakoietara joango dira: Etxetxo Lezoko Memoria Historikoaren Taldeko kide batek azalduko du mendiko tiro eremua eta barrakoiak frankismoaren oinordetza direla.
Jarraian tiro eremura igoko dira. Han, ekitaldia egingo dute. Gainera, hamaiketakorako tartea zabalduko dute, norberak etxetik eramandakoarekin. Aurreko urteetan antolatzaileek eramaten zuten, baina prebentzio neurri gisa, aurten ez dute eramango.
Antolatzaileek nabarmendu dute arintze fasearekin batera, militarrak bere ohiko jardueretara bueltatu direla, eta joan-etorri asko egin dituztela Jaizkibeldik azken egunetan. Gastu militarrak behar sozialetara bidera daitezela eskatuko dute martxan: “COVID-19aren garaian agerian gelditu dira behar horiek”.
