'Basoa nire baitan' erakusketa berriro zabalik
Uztailaren 6an aukera berezia izango da, artistak berak hitz egingo duelako jendaurrean bere sormen prozesuaren gainean. Erakusketan bertan izango da.
Esther Otxoa (Errenteria, 1966) argazkilariaren Basoa nire baitan erakusketa zabalduko dute berriro Xenpelar Etxean. Otxoak, martxoaren 7an zabaldu zuen 19 argazkiz osatutakoe rakustea, baina COVID-19aren osasun larrialdiak eten egin zuen; orain berriro da zabalik.
Errenteriarrak ibilbide emozional eta fisikoa bildu du erakusketara, bularreko minbizia diagnostikatu ondoren. Hemeretzi irudirekin, imajinario poetiko bat osatu du, eta bere prozesua kontatzen du bertan, autorretratuak basoko elementuen argazkiekin uztartuta.
Uztailaren 6an aukera berezia izango da, artistak berak hitz egingo duelako jendaurrean bere sormen prozesuaren gainean. Erakusketan bertan izango da, 18:30ean. Jarduera horrek edukiera mugatua izango du, eta izena eman behar da aurretik posta elektroniko bidez, edo 943 449 634 telefono zenbakira deituta. Astelehenetik larunbatera, 17:00etatik 20:00etara izango da zabalik erakusketa.
