Arrauna ere errazagoa da babestuta
Kanpainari indar handiagoa emateko, eta herritarrei arraunarekin bat egiteko eskatzeko, bideoa zabaldu dute orain sare sozialetan Hibaika Arraun elkarteak.
Hibaikako emakumeak iaz, Oiartzun ibaian, etxean, ETE Liga irabzi zutela ospatzen. Argazkia: Hibaika Arraun elkartea Kanpaina abiatu du Hibaika Arraun Elkarteak bazkide berriak biltzeko. Elkarte apala da Errenteriakoa, eta bizirautea kontu erraza ez bada egoera normalean, COVID-19ak eragindako osasun larrialdiarekin eta horren ondorioekin, are zailagoa bilakatu da. Babes hori, bazkide berrien laguntza, ezinbestekoa du beraz aurrera egiteko.
Kanpainari indar handiagoa emateko, eta herritarrei arraunarekin bat egiteko eskatzeko, bideoa zabaldu dute orain sare sozialetan.
Hiru hilabete iraungo duen arraun denboraldian, estropada ugari jokatuko dituzte Hibaikaren bi ontziek —horietako batzuk telebista bidez ikusi ahalko direnak— “eta Errenteriaren izena fokupean eta erakusleihoan jartzeko baliatuko dugu urtero legez, bi ontzietako arraunlariek duten onena emanez. Horregatik eskatzen dugu denok gure aletxoa jar dezagun, gure arraunlariek euren jardunarekin jarraitu ahal izateko gutxieneko baliabide batzuk eskaini ahal izateko”.
ETE Ligako titulua defendatzera irtengo da emakumeen trainerua; eta mutilen ontzia, berriz, ziklo berri batean murgilduta eta aurpegi berri askorekin KAE2 Ligako goi postuetan finkatzen saiatzera klubak azaldu duenez.
Une honetan 100 bazkidetik gora ditu Hibaikak herrian, “elkarrenganako leialtasuna eta konpromisoan sakondu nahi genuke, denek irabaz dezagun”.
Hibaikako laguntzaile direnek, herriko kirola eta arrauna, zehazki, sustatzearekin batera abantailak lortzen dituzte. Hala, %10eko deskontua dute Rosmin saltokian salgai dagoen klubeko arropan. Ekainean egiten den traineruen aurkezpenerako gonbidapena ere jasotzen dute laguntzaileek, bestalde, baita laguntzaile karneta ere. Laguntzaile egin nahi dutenek, formulario hau bete eta 30 euro sartu behar dituzte ES16 3035 0011 23 0110142924 kontu korronte zenbakian. Formularioa beteta eta diru sarreraren ordainagiria Rosmi dendara eraman, edo posta elektronikoz bidal dezakete.
Horretaz gain, harremanetarako lau bide ditu Hibaikak, posta elektronikoa, webgunea, Twitter kontua eta Facebook kontua.
Hibaikako laguntzaile egiteko formularioa.
Egin zaitez bazkide, denon artean errazago egiten baita arraun!
— HIBAIKA ARRAUN ELKARTEA (@Hibaika) June 22, 2020
Zabal ezazue zuen artean.
Mila esker.
Aupa Hibaika! Aupa Orereta! @errenteriahitza @deportesdv @LauHaizetara @estropadak @eitbkirolak @HerriBizia @berria @ pic.twitter.com/3AJHYuPkS3
