Esnabideko proiektua eteteko eskatu dute Eguzkik eta 200 bizilagunek
Eguzki kolektiboak batetik, eta Beraun, Galtzaraborda eta Kaputxinoak auzoetako 200 bat bizilagunek, bestetik, Errenteria-Oreretako Esnabide 32 sektorearen xehetasun azterlana onartzearen aurkako alegazioak aurkeztu dituzte.
Eguzki kolektiboak batetik, eta Beraun, Galtzaraborda eta Kaputxinoak auzoetako 200 bat bizilagunek, bestetik, Errenteria-Oreretako Esnabide 32 sektorearen xehetasun azterlana onartzearen aurkako alegazioak aurkeztu dituzte.
Proiektu horrek, Donostiako Udalak aurreikusita duenarekin batera —249 etxebizitza eraikitzea— ingurumenean eta pertsonen osasunean, dagoeneko oso masifikatua eta artifizializatua dagoen eremua izanik, izango ditun eragin kaltegarriak azaldu ondoren, bi alegazioek eskatzen dute eremu horri buruzko edozein espedienteren izapidetzea bertan behera uzteko Plan Orokorraren berrikuspena bukatu arte. Plan orokorraren indarraldia 2012an amaitu zen, beraz duela zortzi urte berrikusi behar zen plan hori, baina 2019ra arte atzeratu da. Hala salatu du Eguzkik.
Talde ekologistak, Esnabide 32 sektorean aurreikusitako proiektuak eragingo dien bizilagunek egun bizi dugun egoera dela eta, ohikoak diren baino zailtasun handiagoak izan dituztela espedientea kontsultatu, eta horrenbestez, alegazioak egiteko garaian nabarmendu du, eta gogora ekarri du halaber, bertan egin nahi duten esku hartze urbanistikoak, bertako landareri eta faunan zein bizilagunen bizi kalitatearen galera ekarriko duela. Bere alegazioan bil du duenez, Errenteriako Udalaren esku hartzeari dagokionean, aurreikusitakoaren arabera, 30.670 metro kuadroko lur eremu naturala urbanizatu, edo artifizializatuko da, “gaur egun bertan den biodibertsitatea desagerraraziko dute”.
Eguzkiren zein bizilagunen bi alegazioetan, eskaera zehatza egin dute: Plan Orokorraren berrikuspena amaitzen den arte, udalak bertan behera utz dezala edozein esku hartzea eremu horretan”.
