Euskal presoei ezarritako salbuespen politika, sutara
San Joan bezperarekin eta egun horretako suarekin bat egin dute, euskal presoen aldeko aldarria gau magikoarekin uztartu dute.
Errepresaliatuak eta larri gaixo daudenak etxeratzea eskatzeko banderak. Euskal presoei eta horien senide eta lagunei ezartzen zaien salbuespen politika salatu du Errenteria-Oreretako Sarek bideo baten bidez. San Joan bezperarekin eta egun horretako suarekin bat egin dute, euskal presoen aldeko aldarria gau magikoarekin uztartu dute.
Hainbat herritarrek espetxeak suposatzen duena, eta euskal presoei ezartzen zaien salbuespen politikarekin lotutako hain bat egoera irudikatu dituzte: Dispertsioa, urruntzea, derrigortutako agurrak, estatuen tema, isolamendua, senideen kondena… Horiek guztiak erre dituzte, sinbolikoki euskal presoei ezartzen zaien salbuespenezko araudia eta haien senide eta lagunei ezartzen zaien zigorra amaitzea eskatzeko.
Ahotsa Oier Guillan idazle, kazetari eta antzerkigileak jarri du, berariaz sortutako olerkiarekin.
