Kirol instalazioen erabilera eta sarbide araua jakinarazi ditu udalak
Datorren astelehenean (hilaren 29an) zabalduko dituzte ateak berriro Galtzarabordako kiroldegiak, eta Fanderia eta Beraungo igerilekuek. Eusko Jaurlaritzak ezarritako edukiera mugekin eta murrizketekin egingo dute (2421 agindua, ekainaren 18koa).
Barungo igerilekua. Argazkia: Herri Bizia Datorren astelehenean (hilaren 29an) zabalduko dituzte ateak berriro Galtzarabordako kiroldegiak, eta Fanderia eta Beraungo igerilekuek. Eusko Jaurlaritzak ezarritako edukiera mugekin eta murrizketekin egingo dute (2421 agindua, ekainaren 18koa).
Orokorrak eta zentzuzkoak diren argibideak eman dituzte sarbidearekin lotuta, eta hala, gogora ekarri dute erabiltzaileek COVID-19arekin bateragarriak diren sintomak sumatzen badituzte, ez dutela joan behar instalazioetara.
Bertaratzen direnek, masakra soinean egin beharko dute, baita instalazio barruko eremu komun guztietan ere; jarduera fisikoa egiteko bakarrik kendu ahalko dute maskara. Halaber, etxetik kirol arropa jantzita eramatea aholkatu dute, dutxa eta aldagelen erabilera mugatzeko, eta sartzerakoan gel hidroalkolikoarekin garbitu beharko dituzte eskuak, eta horretarako jarrita dauden alfonbretan oinetakoak desinfektatu beharko dituzte, halaber.
Korridoreetan ezingo dute gelditu, eta beti eskuineko aldetik zirkulatzeko eskatu diete, baita beste erabiltzaileekin 1,5 metroko distantzia fisikoa uzteko. Adingabe batekin joaten direnen kasuan, zaindu egin beharko dute, eta segurtasun eta higinene neurriak betetzen dituela bermatu.
Aurretiko hitzordua
Galtzarabordako eta Fanderiako fitness arteoak eta GAltzarabordako igerilekua erabiltzeko, aldez aurretik hitzordua eskatu beharko da. Hitzorduak online kudeatuko dira, Trainingym sistemaren bidez edo harreretan bertan. Online aukeran erreserba gehienez 48 ordu lehenago egin ahalko da. Trainingym sistema deskargatzeko eta aktibatzeko prozedura kontsultatu Kirol instalazioetan hitzordua hartzeko sistema.
Erabiltzaile bakoitzak, gehienez, hitzordu bat erreserbatu ahalko du egunean, eta erabiliko ez diren erreserbak ezeztatu egin behar dira; bestela, dagokion xedapena aplikatuko da.
Gainontzeko aretoen erabilerak eta hartu beharreko neurriak hemen kontsulta daitezke.
