Arritxulo aterpetxeko taberna eta jatetxea igandeetan soilik egongo dira zabalik
Datorren astelehenean udaleku itxiak hasiko direnez, osasun-segurtasuna bermatzeko gainerako bezeroei igandeetan soilik emango zaie zerbitzua Arritxulon.
Arritxulo aterpetxea. 
Datorren astetik aurrera Arritxulo aterpetxeak eskaintzen dituen zerbitzuak banatu egin beharko dira: udaleku itxiak batetik eta taberna zein jatetxe zerbitzuak bestetik. Osasun Sailak ezarritako arauak jarraituz, udalekuak dauden bitartean gainerako bezeroei ezingo zaie zerbitzurik eskaini igandeetan ez bada.
Bai udalekuetan parte hartzen dutenen eta bertako langile direnen, zein Arritxuloko taberna eta jatetxeko bezeroen segurtasuna bermatu ahal izateko, igandeetan soilik joan ahal izango dira azken hauek aterpetxera. Informazio gehiago eskuratzeko edota erreserbak egiteko Arritxulo Aterpetxearen web orria bisita dezake nahi duenak.
