Familia jolasak Arditurri parketxean uztaileko eta abuztuko igandeetan
Familientzako orientazio jolasak antolatuko dira uztaileko eta abuztuko igandeetan Arditurri parketxetik abiatuz eta ordu eta erdi inguruko iraupenarekin.
Artxibo irudia. Arditurriko bide berdearen eguna. 
Nahi duen orok parte har dezake uztaileko eta abuztuko igandeetan antolatuko diren familia jokoetan. Abiapuntua Aiako Harria Natura Parkeko sarbideetako batean kokatutako Arditurri parketxea izango da; bertatik abiatuz, ordu eta erdi inguruko iraupena izango duen orientazio jolasa dago antolatuta.
Ibilaldia erraza da, adin guztietarako aproposa eta 3 kilometro inguruko luzerakoa. Jardueran parte hartzeko prezioa 3 eurokoa da lagun bakoitzeko, eta parte-hartzaileek musukoa eraman beharko dute osasun zein segurtasun neurriak bermatu ahal izateko. Izen-emateak eta informazio gehiago 943 49 50 69 / 688 89 50 68 telefono zenbakietara deituz edo Arditurri parketxearen e-mail helbidera mezu bat bidaliz.
