Hamar puntukoa izango da ekaineko ohiko plenoa, publikoari irekia
Asteazken arratsaldean izango da, berriro, udalbatzarra. Tramitezko hainbat puntuz gain, COVID-19ari buruzko bi puntu aztertuko dituzte.
![plenoa oiartzun](https://oarsoaldea.hitza.eus/site/files/2020/06/dsc0126.jpg)
Datorren asteazkenean —hilak 30— Oiartzungo udalbatza plenoan bilduko da. Ekainari dagokion udalbatzarra izango da, hamar puntukoa. Berritasun nagusia, hala ere, ez da gai zerrendan etorriko: normaltasun berrian egingo den lehenengo plenoa izango da. Izan ere, ohiko ordutegira bueltatuko da —19:00etan hasiko da— eta publikoari irekia egongo da —gehienez 58 pertsona—.
Hamar puntu aztertuko dituzte, eta gehienak tramitezkoak izango dira. Hala ere, COVID-19arekin lotutako bi gai aztertuko dituzte. Alde batetik, kirol instalazioen kudeaketaren kontratua etetea. Bestetik, Udal Ikastola Partzuergoari laguntza ematea, ondorioei aurre egiteko. Honakoa da zerrenda osoa:
- 1. Aurreko batzarrari dagokion aktaren onarpena.
- 2. 2019ko Kontu Orokorraren onarpena.
- 3. Udal lanpostuen zerrendaren eta lan talde organikoaren aldaketaren onarpena.
- 4. Oiartzungo udalerrian hiri-garbiketako eta etxeko hondakinen bilketa eta garraioko zerbitzu-kontratuaren amaiera eta kontratuari atxikitako ondasunak eta gainerako elementuen itzulketa.
- 5. Elorsoro kiroldegia, Madalensoro pilotalekua eta udako igerileku udal instalazioen emakida bidezko zerbitzu publikoaren kudeaketaren kontratua eteteko erabakien berri ematea, Alkateak premiazko eskumena egikarituz hartutakoa COVID-19ak eragindako alarma-egoera deklaratzearen ondorioz.
- 6. Lanbarren eremu logistikoa garatu ondoren, Gipuzkoako Foru Aldundia eta Udalaren errepide sarean izandako aldaketak erregulariz atzeko lursailen zesioak.
- 7. COVID-19ak eragindako ondorioei aurre egiteko Udal Ikastola Partzuergoari ekarpen berezia egitea.
- 8.Beste ekitaldietako ordainagiriak baliogabetzea.
- 9. Beste organoen jardueraren jarraipena.
- 10. Eskari-galderak.