Larunbateko erlojupeko estropadek eremu berria izango dute
Aurreikusitako eremuak ez zituenez osasun eta segurtasun neurriak bermatzen, kokaleku berria bilatu behar izan zaie aurtengo estropadei. Dagoeneko jakinarazi dute irteera ordena.
Eremu honetan jokatuko dira larunbateko estropadak.
Datorren larunbatean, hilak 11, izango dira KAE eta ETE ligetako lehen estropadak Pasaian, erlojupeko modalitatean. Lehen lehia XIV. Hondarribiako Arrantzaleen Kofradiako Bandera lortzeko izango da (KAE 2 liga), arratsaldeko 17:00etan. Bigarren txandan I. Tolosaldeko Ikurrina izango dute jokoan ETE ligakoek 18:15ean. Azkenik, 19:15ean, XXI. Kepa Deun Arrantzaleen Kofradia Ikurrina eskuratzeko borrokatuko dute KAE 1 ligakoek.
Pasa den hilaren 30ean egindako plenoan iragarri zuten estropadak ezingo zirela aurreikusitako espazioan jokatu, aurtengo larrialdi egoera dela eta. Hortaz, beharrezko kontrolak egin ostean, argazkian ikus daitekeen eremuan jokatuko direla iragarri dute antolatzaileek.
KAE 1 eta KAE 2 ligetakoek 5 luze eta 4 ziaboga egin beharko dituzte, eremua ohikoa izaten dena baino murritzagoa baita; hori bai, guztira 3 itsas miliakoa da (5.556 metro). ETE mailakoei dagokienez, 3 luze eta 2 ziaboga egin beharko dituzte, 1,5 milia (2.778 metro), beraz.
Estropaden irteera ordena hurrengoa izango da (irteerak minutuero):
KAE 1 (Lehen txanda)
- Pedreña
- Camargo
- Getaria
- Astillero
- San Juan
- Donostiarra
KAE 1 (Bigarren txanda)
- Deusto
- Orio
- Getxo
- Arkote
- Zumaia
- San Pedro
KAE 2 (Lehen txanda)
- Hondarribia
- Busturialdea
- Castreña
- Zarautz
- Portugalete
KAE 2 (Bigarren txanda)
- Lapurdi
- Santoña
- Mutriku
- Hibaika
- Santurtzi
- A.N. Castro
ETE (Lehen txanda)
- Deusto
- Lapurdi
- Zumaia
- Tolosaldea
ETE (Bigarren txanda)
- Ondarroa
- San Juan
- Hibaika
- Lutxana
- Isuntza
