Donostiatik Pasaiara bidaiatu ahal izango da "Lucretia" belaontzi klasikoan
Zerbitzua uztail eta abuztuko ostegun guztietan eskainiko da. Irteerak goizeko 10:00etan izango dira, Donostiako moilatik abiatuz. Ibilaldiaren amaieran Albaola Itsas Faktoria bisitatu ahal izango da.
"Lucretia" belaontzi klasikoa. 
Uztail eta abuztuko ostegunetan, nahi duen oro joan ahal izango da Donostiatik Pasaiara Lucretia belaontzi klasikoan. Irteerek ordu bakarra izango dute: Goizeko 10ak, Donostiako moilatik abiatuz. Bidaia horrek barne hartzen du Albaola Itsas Faktoriara bisita.
Bidaia bi ordukoa da, gutxi gorabehera. Kontxako badia, Ulia mendiko itsaslabarrak eta Pasaiako badiaren sarrera, besteak beste, ikuskatu ahal izango dira ontzitik. Ibilbidearen amaieran Albaola Itsas Faktoriara bisita egin ahal izango da, eta bueltarako motoran helduko dira bidaiariak Pasaiara.
Bestelako informazio praktikoa:
- Ordutegia: 10:00etan, Donostiako moilatik irteera. 12:00etan, Albaolara bisita. 13:15ean, motora zerbitzua.
- Prezioak: Sarrera arrunta 38 euro; 3-6 urte bitartekoentzat 25 euro; eta 0-2 urte artekoentzat doan.
- Sarreren salmenta: Webgunearen bitartez; 943 41 51 51 / 943 41 51 53 telefono zenbakietara deituz; edo Gipuzkoa Turismo bulegoan (Boulevard 6, Donostia).
