Hiruna mila euro Ekuador, Kios eta Palestinara
9.000 bideratu ditu denera, hiruna mila euro, eta helburua, COVID-19aren pandemiak eragindako kalteak arintzea da.
Ekuador, Kios eta Palestina herriak dira hartzaileak. Larrialdi Humanitarioko hiru diru laguntza eman ditu Errenteriako Udalak. Ekuador, Kios Uhartea eta Palestina dira hartzaileak. 9.000 bideratu ditu denera, hiruna mila euro, eta helburua, COVID-19aren pandemiak eragindako kalteak arintzea da.
Ekuadorren kasuan, zehazki, komunitate indigenei bideratutakoa da Oreretako Mikelazulo elkartearen bidez. Pueblo Indio fundazioak kudeatuko du, eta metabolismoa indartzeko bitaminak, nahiz garbitasunerako produktuak erosteko izango da. 60 familien artean banatuko dituzte produktuak. Greziako Kios Uhartearentzat laguntza Salvamento Maritimo elkartearen bidez bideratu du, eta osasun arlora bideratuko da. Hala, botikak, mediku tresnak, osasun koordinatzaileak, psikologoak, eta itzultzaileak ordaintzeko izango da.
Palestinako laguntza, azkenik, UNRWA Euskadik sortu duen funtsa osatzeko izango da. Palestinako errefuxiatuak babestu eta haurrak etxetik ikasten jarrai dezaten eta osasun arreta ematera bideratuko da laguntza.
