Antxo Areto Futbolak B taldea izango du datorren denboraldian
Antxo AF Elkarteak bigarren taldea izango du datorren urtean, Gipuzkoako 3. mailan. Oraindik "fitxa libreak" dituztela adierazi dute, eta kide berriak batzeko deia luzatu dute.
![](https://oarsoaldea.hitza.eus/site/files/2020/01/antxoaf.jpg)
Antxo Areto Futbol Elkarteak Facebook bitartez iragarri duenez, datorren denboraldian B talde berria izango dute Gipuzkoako 3. mailan. AF Antxo B taldeak 14 kide ditu oraingoz, 17 eta 24 urte bitartekoak. Fitxa berri bat egiteko aukera dago oraindik, eta nahi duen oro batzera animatu dute.
COVID-19aren ondorioz, lehen taldea 2. B mailara igotzeko jokatzen ari zen, aurretik zortzi jardunaldi zituztela. Sailkapenean hirugarren postuan gelditu ziren (lehen postutik 3 puntura eta bigarrenetik puntu bakarrera). Antxoko bigarren taldeak beteranoenen pausoak jarraitzeko asmoz ekingo dio lehiari.