Hibaikak irabazi du Santoñako emakumeen bandera, eta San Pedrok gizonena
Emakumeen eskifaia aise gailendu zen bitartean, lehia bizia egon zen gizonen txandan, eta San Juan Hondarribia B hirugarren eta bosgarren sailkatu ziren, hurrenez hurren.
San Pedro gizonezkoetan gailendu da, eta Hibaika emakumeetan. Santoñako 50. Bandera – Santoñako Udalaren 2. Bandera Femeninoa jokatu zen larunbatean Kantabriako (Espainia) uretan, eta Oarsoaldeko ontziek maila dutela argi eta garbi erakutsi zuten. Hibaikako emakumeen ontziaren kasuan, estropadaren jaun eta jabe izan ziren, eta aise gailendu zen 10:57,78 marka eskuratuta, bigarrenari 26 segundoko errenta lortuta.
Gizonen estropadari dagokionez, San Pedro suertatu zen garaile 20:46,02 denbora eginda, bigarrenetik 10 segundora. San Juango eskifaia bere aldetik hirugarren sartu zen 20:56,47 denborarekin, eta Hondarribia B bosgarren, 21:25,22 marka eskuratuta.
