Burgos eta Pasaia bizikletan lotuko ditu Trintxerpe Klub Atletikoak
Zehazki, Quintanar de la Sierra herriraino egingo du ibilbidea taldeak lau etapetan; larunbatean hasiko dute abentura.
Trintxerpe Atletiko Klubeko kideak irteera batean. Trintxerpe Klub Atletikoak Pasaia eta Quintanar de la Sierra (Burgos, Espainia) lotuko ditu larunbatetik aurrera BTT bidez. Larunbatean abiatuko dira klubeko kideak eta lau etapetan aipatutako herrira iristea aurreikusi dute. Albaolan finkatu dute ibilbidea hasteko hitzordua, 08:00etan.
Taldetik adierazi dutenez, Gurdizainen Etxola Erreala ermandadeari eta Quintanar de la Sierrako herritarrei 2016an egindako ibilbidea eskertu nahi die era honetan Trintxerpe Klub Atletikoak.
Ondokoak dira aurreikusitako etapak.
- 1. etapa: Pasaia-Iruñea (87,6 kilometro)
- 2. etapa: Iruñea- Errioxako (Espainia) Agoncillo Done Jakue bidetik (90 kilometro)
- 3. etapa: Agoncillo- Errioxako Venta Piqueras (61,7 kilometro)
- 4. etapa: Venta Piquieras-Quintanar de la Sierra (81 kilometro)
