Kultur emanaldi ezberdinek betetako asteburua Errenteria-Oreretan
WikiBizi Errenteria ibilbideaz gain, 'Agur Etxebeste', Hezurbeltzak taldea eta 'Festamentua' ikuskizunarekin gozatzeko aukera izango dute herritarrek.
!['Festamentua' emanaldiaren irudia [Argazkia: Tio Teronen Semeak]](https://oarsoaldea.hitza.eus/site/files/2020/08/tio-teron_festamentua-3.jpg)
'Festamentua' emanaldiaren irudia [Argazkia: Tio Teronen Semeak] Udako kultur agenda oparoa prestatu du Errenteriako Udalak herritarrek koronabirusak baldintzatutako oporraldia herrian bertan igaro dezaten. Hala, asteburu honetara begira, hainbat dira bertako publikoari eskainitako ekitaldiak.
HITZA-k astelehenean aurreratu zuenez, WikiBizi Errenteriak ibilbide berezia egingo du larunbat goizean herrian zehar, baina horren aurretik, ostiralean, Agur Etxebeste filmarekin gozatzeko aukera izango dute errenteriarrek. Hezurbeltzak proiektuak eta Festamentua ikuskizunak beteko dute asteburuko agenda.
Egitaraua:
- Agur Etxebeste: Etzi, ostiralarekin, Koldo Mitxelena ikastetxeko patioan, 22:00etan hasita. Gonbidapenak Niessen Kulturguneko harreran edo ondoko atari digitalean.
- WikiBizi Errenteria: Larunbatean (hilak 15) 10:00etan, Herriko plazatik abiatuta. Parte hartzeko ondoko helbidean izena ematea ezinbestekoa da.
- Hezurbeltzak: Larunbatean (hilak 15) Pontikako pilotalekuan, 19:30ean. Gonbidapenak Niessen Kulturguneko harreran edo ondoko atari digitalean.
- Festamentua: Igandean (hilak 16) Fanderia tenis pistan, 19:30ean hasita. Gonbidapenak Niessen Kulturguneko harreran edo ondoko atari digitalean.
